Бүгд Найрамдах Солонгос улсад 2023 оны 09 дүгээр сарын 09,10-ны өдрүүдэд зохион байгуулагдсан “KACIEA International Dance Competition 2023” олон улсын бүжгийн тэмцээнд дэлхийн 18 орны бүжигчид оролцсон. Тус тэмцээнээс манай аймгийн авьяаслаг бүжигчид оролцож, дараах шагналыг хүртсэн байна. Үүнд:
“Хамтлаг орчин үеийн бүжиг” төрлөөр СТА З.Дашнямын дэглэлт “Жанжин чойр” зохиомж бүжгээр “Шилдгийн шилдэг” /TOP PRIZE/“Гоцлол ардын бүжиг” төрөлд ГСА Сүмбэр сумын 2-р сургуулийн сурагч Бат-Өлзийн Эмүжин СТА Хосбаяр дэглэлт “Дүүлэн Нис” бүжгээр “Шилдгийн шилдэг байр” /TOP PRIZE/ “Шилдгийн шилдэг бүжигчин”“Гоцлол ардын бүжиг” төрөлд ГСА Сүмбэр сумын 1-р сургуулийн сурагч Амарсайханы Анир “Жалам хар” бүжгээр “Тэргүүн байр” /GOlDEN PRIZE/“Гоцлол ардын бүжиг” төрөлд ГСА Сүмбэр сумын 2-р сургуулийн сурагч ӨнөрБолдын Анхилуун СТА О.Цэрэнжаргалын дэглэлт “Говийн чимэг” бүжгээр “Тэргүүн байр” /GOlDEN PRIZE/“Жанжин чойр 3” хамтлаг “Шилдгийн шилдэг хамтлаг”“Шилдгийн шилдэг багш” гран при цомыг бүжгийн багш МУСТА З.Дашням С.Урансайхан нар тус тус хүржээ.Улс, Аймаг орон нутгийнхаа нэрийг олон улс, тив дэлхийд цуурайтуулж байгаа авьяаслаг бүжигчид, бүжгийн багш нарт баяр хүргэн цаашдын тэмцээн уралдаанд амжилт хүсье.
