Олон улсын хөдөлмөрийн байгууллагаас жил бүрийн 04 дүгээр сарын 28-ны өдрийг “Ажлын байран дахь хөдөлмөрийн аюулгүй байдал, эрүүл ахуйн дэлхийн өдөр” болгон тэмдэглэж байхаар шийдвэрлэсэн. Олон улсын байгууллагын гаргасан уриатай уялдуулан орон нутгийн хэмжээнд тус аяныг “ЭРҮҮЛ АЮУЛГҮЙ АЖИЛ- БИДНИЙ СУУРЬ ЭРХ” уриан дор зохион байгуулан ажиллаж байна.
Энэ ажлын хүрээнд Аймгийн ХАБЭАсалбар зөвлөлөөс МАК ЦЕМЕНТ ХХК-ийн уурхайтай танилцах, сайн туршлага судлах, ХАБЭА хариуцсан ажилтнуудад мэдлэг олгох, харилцан хамтын ажиллагааг сайжруулах үйл ажиллагааг зохион байгууллаа.
Тус үйл ажиллагаанд аймаг, сумдын Хөдөлмөрийн аюулгүй байдал, эрүүл ахуйн салбар зөвлөлийн гишүүд, аж ахуйн нэгж байгууллагуудын ХАБЭА хариуцсан ажилтнууд нийт 30 хүн оролцсон.
Үйл ажиллагааны үр дүнд МАК ЦЕМЕНТ ХХК-ны ХАБЭА-н бодлого, зохион байгуулалт, бичиг баримт боловсруулалт, үйлдвэрийн төв хяналтын үйл ажиллагаа, хөх цавын шохойн чулууны талаар, засварын төвийн үйл ажиллагаа, цемент савлалтын үйл ажиллагаатай танилцлаа.