“Нөхөрсөг уулзалт -2023” тэмцээн нь Говьсүмбэр аймгийн ерөнхий боловсролын сургуулиуд болон Политехник коллежийн захиргаа, аж ахуйн ажилтан, албан хаагчдын нийгмийн идэвхи оролцоог нэмэгдүүлж, чөлөөт цагийг зөв боловсон өнгөрүүлэх, харилцан туршлага солилцох, урлаг-спортын авьяасыг хөгжүүлэх зорилгоор 15 дахь жилдээ зохион байгуулагдаж байна.
Тэмцээнд аймгийн 1,2,3,4,5-р сургуулиуд болон болон Политехник коллежийн 150 гаруй захиргаа, аж ахуйн ажилтан, албан хаагчид оролцож байна.
Нээлтийн үйл ажиллагаанд аймгийн Иргэдийн төлөөлөгчдын хурлын дарга Ш.Билэггүмбэрэл, аймгийн Засаг даргын орлогч Б.Наранбаатар, Сүмбэр сумын Засаг дарга Т.Бат-Эрдэнэ, Сүмбэр сумын Засаг даргын орлогч Э.Даваадорж нар оролцож аймаг орон нутагтаа олон жил үр бүтээлтэй ажилласан албан хаагчдыг шагналаа.