Аймгийн Засаг даргын Тамгын газрын Хууль эрх зүйн хэлтэс “Иргэдийн хууль, эрх зүйн боловсролд зориулсан видео контентын уралдаан”-ыг 2022 оны 11 дүгээр сарын 01-ээс 12 дугаар сарын 15-ны өдрийн хооронд зохион байгуулсан. Уралдаанд ирсэн бүтээлүүдийг Говьсүмбэр аймгийн Засаг даргын Тамгын газрын албан ёсны page хуудсанд байршуулан, удирдамжийн дагуу иргэдийн хандалтаар шалгаруулсан. Үүнд:
- 1-Р БАЙР- Говьсүмбэр аймгийн Уул уурхайн жишиг сургууль Политехникийн коллежийн баг “Гарцгүй газраар зам хөндлөн гарах эрсдэл”, “Эцэг эх асран хамгаалагчийн гараас хөтлөх”, “Тамхи татахыг хориглоно” цуврал контент
- 2-Р БАЙР- Говьсүмбэр аймгийн Сүмбэр сумын 2 дугаар багийн иргэн Б.Энхдэлгэр “Хүний хувийн мэдээллийг хамгаалах тухай хууль” сэдэвт контент
- 3-Р БАЙР- Улаанбаатар хотын иргэн С.Шинэсар “Авлигын гэмт хэрэг гэж юу? Түүний хор уршиг” сэдэвт контентоор тус, тус шалгарлаа.
Монгол улсад хүчин төгөлдөр мөрдөгдөж байгаа хууль тогтоомжуудыг олон нийтэд цахим контентоор дамжуулан таниулан сурталчилж, Иргэдийн эрх зүйн боловсролыг дээшлүүлэх зорилгоор зохион байгуулагдсан видео контентийн уралдаанд оролцогчдын видео контент давхардсан тоогоор 43,435 хүнд хүрсэн байна.
