Аймгийн Нэгдсэн эмнэлэгт “СЭТГЭЦИЙН ТУСЛАМЖ ҮЙЛЧИЛГЭЭ ҮЗҮҮЛЭХ КАБИНЕТ”-ыг Сэтгэцийн эрүүл мэндийн үндэсний төвийн дэмжлэгтэй, Дэлхийн эрүүл мэндийн байгууллагын санхүүжилтээр байгуулж, мэргэжлийн сэтгэцийн эмч, иргэдэд сэтгэцийн тусламж үйлчилгээ үзүүлэх нөхцөл бүрдлээ.
Нээлтийн үйл ажиллагаанд аймгийн Нийгмийн бодлогын хэлтсийн дарга Т.Баясгалан, СЭМҮТ-ийн захирал В.Баярмаа болон Эрүүл мэндийн салбарын удирдлага, эмч мэргэжилтнүүд, АШУИС-ийн сэтгэцийн тэнхимийн багш нар оролцож, аймгийн сэтгэцийн эрүүл мэндийн тусламж үйлчилгээний өнөөгийн байдал, тулгамдаж буй асуудлууд, шийдвэрлэх арга замуудын талаар санал солилцож цаашид хамтран ажиллахаа илэрхийллээ.