Насан туршийн боловсролын төв нь Сүмбэр сумын Ерөнхий боловсролын 1,2,5-р сургуулийн 9-р ангийн 9 бүлгийн сурагчдыг МЭРГЭЖЛИЙН ЧИГ БАРИМЖАА ОЛГОХ ХӨТӨЛБӨРИЙН ХҮРЭЭНД: “Өөрт тохирсон мэргэжлээ хэрхэн зөв сонгох вэ?” сургалтад хамруулж, “Ажлын гараа – Амьдралын чанарт” ажил, мэргэжилтэйгээ танилцах өдөрлөгийг зохион байгуулж байна. Өдөрлөг 2022 оны 10-р сарын 05-аас 12 дугаарын сарын 05-ыг хүртэл зохион байгуулагдах юм.
2022 оны 10 дугаар сарын 05-ны өдөр зохион байгуулагдсан ажил, мэргэжилтэйгээ танилцах өдөрлөгөөр 4 салбарын 14 байгууллагаар Насан туршийн боловсролын төвийн Захирал Г.Баасансүрэн, Сургалтын менежер Х.Амаржаргал, Шинжлэх ухааны боловсролын багш Х.Буянтогтох нар чиглүүлэн нийт 51 сурагчийг зочлуулж, үйл ажиллагаатай нь танилцан зөвлөгөө, мэдээлэл авсан юм.