Аймгийн Зүүний Хүчний Холбооноос ковидын хүнд хэцүү нөхцөлд ажиллаж буй эрүүл мэндийн салбарт дэмжлэг үзүүлэх зорилгоор “ДЭМ ДЭМЭНДЭЭ” аяныг зохион явууллаа.
Аяны хүрээнд 25 төрийн байгууллагын нийт албан хаагчид оролцож 4.210.000 төгрөгийн үнэ бүхий 36 ширхэг эвхдэг ор авч, Аймгийн нэгдсэн эмнэлэгт 26ш, Шивээговь сумын Эрүүл мэндийн төвд-7ш, Баянтал сумын Эрүүл мэндийн төвд -3ш орыг тус тус хандивлалаа. Хандивийг Аймгийн Зүүний Хүчний холбооны дарга Д.Содном , тэргүүлэгчдийн хамт хүлээлгэн өглөө. Хандивын аянд чин сэтгэлийн гараа сунган оролцсон нийт төрийн албан хаагч, хамт олондоо талархсан сэтгэлээ илэрхийлье. Сайн үйлс бүхэн дэлгэрэх болтугай.