Жил бүрийн Олон улсын Хүүхдийн эрхийг хамгаалах өдрийг угтан Монгол Улсын Ерөнхийлөгчийн зарлигаар “Алдарт эх”-ийн одон гардуулдаг уламжлалтай.
“Алдарт эх”-ийн одонгоор шагнуулсан ээжүүдэд шагнал гардуулах ёслолын арга хэмжээ 05 дугаар сарын 31 ний өдөр дуу бүжгийн Боржигин чуулгад боллоо.
Энэ жил Монгол Улсын Ерөнхийлөгчийн 2019 оны 5 дугаар сарын 23 өдрийн зарлигаар “Эхийн алдар 1” дүгээр одонгоор 4 эх, “Эхийн алдар 2” дугаар одонгоор 52 эх, нийт 56 эх шагнуулсан байна.
ИТХ- ын дарга Г.Батзам хүндэтгэлийн арга хэмжээг нээж хэлсэн үгэндээ “Алдарт эх” хэмээх эрхэм алдраар энгэрээ мялааж байгаа бүх сайхан ээжүүддээ аз жаргал, эрүүл энх, эрхэм дээд бүхнийг хүсч ерөөл дэвшүүлэв.