Монголын хуульчдын холбооноос жил бүрийн 05 дугаар сарын 01-ний өдрийг “Хуульчийн про боно өдөр” болгон зарласантай холбоотойгоор Монголын хуульчдын холбооны Говьсүмбэр аймаг дахь салбар, аймгийн Засаг даргын Тамгын газрын Хууль, эрх зүйн хэлтэстэй хамтран хууль зүйн туслалцаа, өмгөөллийн үйлчилгээг үнэ төлбөргүй үзүүлэх өдөрлөгийг 2019 оны 05 дугаар сарын 01-ний өдөр 10:00-16:00 цагийн хооронд Боржигин чуулгын урд талбайд зохион байгуулах гэж байна.
Тус өдөрлөгөөр Шүүхийн тамгын газар, Цагдаагийн хэлтэс, Прокурорын газар, Шүүхийн шинжилгээний алба, Шүүхийн шийдвэр гүйцэтгэх 425 дугаар нээлттэй хорих анги, Шүүхийн шинжилгээний алба, Татварын хэлтэс, Нийгмийн даатгалын хэлтэс, Монголын нотариатчдын танхимын Говьсүмбэр аймаг дахь салбар, Хүний эрхийн үндэсний комиссын Говьсүмбэр аймаг дахь төлөөлөгч, өмгөөлөгчдийн зөвлөл, зэрэг хуулийн байгууллагууд болон төрийн болон төрийн бус байгууллагуудаас холбогдох хууль тогтоомжуудаар үнэ төлбөргүй зөвлөгөө өгөхөөс гадна Шүүхийн тамгын газраас шүүхийн төрөлжсөн архивын үйлчилгээг үнэ төлбөргүй үзүүлэх, Улсын бүртгэлийн хэлтсээс 20 төрлийн мэдээлэл, лавлагаагаар үйлчилдэг burtgel.mn –ээс лавлагаа гаргаж өгөх, иргэний үнэмлэхийн хугацааг үндсэн үнээр нь сунгах /торгуульгүй/, Архивын тасгаас бүх төрлийн үнэ төлбөргүй лавлагаа мэдээллийг олгох, нотариатчдын салбараас үнэ төлбөргүй хуулбар үнэн тамга дарах зэрэг үйлчилгээг үзүүлэх тул иргэд та бүхнийг өргөнөөр үйлчлүүлэхийг урьж байна.
