Австралийн тэтгэлэгт хөтөлбөр нь Австрали улсын Гадаад хэрэг, худалдааны яамны урт хугацааны хөгжлийн хөтөлбөр бөгөөд Монгол улсын хүний нөөцийг бэхжүүлэх зорилтын хүрээнд Монгол улсын иргэдийг Австралийн их сургуулиудад бакалавр, магистр болон докторын зэрэгт суралцуулахад чиглэдэг. 2019 онд Австралийн сургалтын тэтгэлгийг зөвхөн магистрын төвшинд олгоно.
Энэ тэтгэлэгт хөтөлбөрийн шугамаар 1990-ээд оноос хойш 500 гаруй Монгол иргэн Австрали улсад суралцан төгссөн бөгөөд 2013 оноос хойш хөдөө орон нутаг болон хөгжлийн бэрхшээлтэй иргэдээс хөтөлбөрт хамруулах болсон.
Энэ жил Австралийн засгийн газар орон нутгаас Дорноговь болон Говьсүмбэр аймгийн иргэдийг хөтөлбөрт хамруулах бөгөөд шаардлага хангасан иргэд аймгийн Тамгын газрын 70543434 дугаарт холбогдон мэдээлэл авч болох бөгөөд Тамгын газрын 304 тоот өрөөнд ирж бүртгүүлнэ үү.
