Үйлчилгээний ажилчдын зөвлөгөөн болж өнгөрлөө

335

Говьсүмбэр аймгийн Үйлдвэрчний эвлэлийн холбооноос үйлчилгээний ажилчдын зөвлөгөөнийг жил бүр хийдэг уламжлалтай. Энэ удаагийн зөвлөгөөнийг АЗДТГ-ын Т.Алтанцэцэг даргатай Үйлдвэрчний эвлэлийн хороотой хамтран зохион байгууллаа.

Зөвлөгөөнийг Аймгийн Үйлдвэрчний эвлэлийн холбооны дарга Д.Гантөмөр нээж  аймгийн ИТХ-ын дарга Г.Батзам, ЗДТГ-ын дарга Д.Содном нар мэндчилгээ дэвшүүлж, зөвлөгөөнөөс гарах баримт бичгийг хэрэгжүүлэх чиглэлээр хамтран ажиллахаа илэрхийллээ. Зөвлөгөөнд нэгдсэн эмнэлэг болон аймгийн төр хувийн хэвшлийн үйлчилгээний ажилтан, Үйлдвэрчний эвлэлийн хороодын дарга, удирдах ажилтнуудын төлөөлөл оролцлоо.  Зөвлөгөөнд “Зохистой хөдөлмөр ба харилцааны ур чадвар” сэдвээр МЭМАҮЭ-ийн холбооны дарга Б.Мягмар, “Хөдөлмөрийн тухай хуулийн шинэчилсэн найруулга ба МҮЭХ-ны байр суурь” сэдвээр МААХҮЭ-ны дарга М.Алтанцэцэг, “Үйлчилгээний ажилчдын харилцаа хандлага” сэдвээр Аймгийн ТЗУГ-ын дарга М.Анхбаяр, “Үйлчилгээний газруудад мардөгдөх дүрэм журам, түүний хэрэгжилт, цаашид анхаарах асуудал” сэдвээр МХГ-ын улсын байцаагч Ф.Болорцэцэг нар илтгэл тавьж, санал хэлэлцүүлэг явагдлаа. Тус зөвөлгөөний үеэр олон жил үр бүтээлтэй ажилласан 9 хүнд ТҮЭ-ийн холбооны болон албан байгууллагуудын шагналыг хүртээв.

46845660_1948005295493195_6873971612513730560_n

46825091_1948005282159863_2847894137103974400_n

46768215_1948005472159844_6894229534434918400_n

46856088_1948005648826493_2853582950136545280_n