Монгол Улсын Ерөнхийлөгч Х.Баттулга өнөөдөр Төрийн одон медалиар шагнах тухай зарлиг гаргаж, Дорноговь аймгийн Айраг сумын нутагт болсон байгалийн гамшгийн үеэр эр зориг, авхаалж самбаа гарган ажиллаж, олон хүний амь нас, эрүүл мэндийг сахин хамгаалж, эх орон, ард түмнийхээ өмнө хүлээсэн үүргээ нэр төртэй биелүүлсэн Онцгой байдлын ерөнхий газар, Цагдаагийн ерөнхий газар, Улаанбаатар төмөр зам хувь нийлүүлсэн нийгэмлэг болон Эрүүл мэндийн салбарын ажилтан, албан хаагчдыг Төрийн одон медалиар шагналаа.
Манай аймгийн нэгдсэн эмнэлгийн дарга У.Ариун-Эрдэнэ, нүдний их эмч Б.Мөнхбаяр, мэс заслын их эмч Д.Наранбаатар, УБТЗ-ын Чойр өртөөний эмнэлгийн салбарын эрхлэгч Б.Одончимэг, нэгдсэн эмнэлгийн сувилагч Ч.Батцэцэг нарыг ХӨДӨЛМӨРИЙН ХҮНДЭТ медиалаар шагнасан байна.
Шагнал авсан нэгдсэн эмнэлгийн эмч ажилчиддаа баяр хүргэн ажлын өндөр амжилт хүсэн ерөөе.