Нийслэлийн Биеийн тамир, спортын газар, Шри Чинмойн маранфоны баг, Монголын хэт холын марафон гүйлтийн холбооноос Шри Чинмойн 12-24 цагийн гүйлтийн залуучууд, ахмадын улсын аварга шалгаруулах тэмцээнийг 2018 оны 08 сарын 04-05-ны өдрүүдэд Улаанбаатар хотноо зохион байгууллаа. Тэмцээнд аймаг, дүүрэг, спорт хороод, клубуудын 35 байгууллагын 108 тамирчин 3 насны ангилалд өрсөлдөж аваргуудаа тодрууллаа. Манай аймгийн тамирчидаас ахмадын улсын аварга шалгаруулах тэмцээний 24 цагийн төрөлд 34-49 насны ангилалд аймгийн Онцгой байдлын газрын аврагч, гал сөнөөгч, Nokia-choir дэлгүүрийн тамирчин Д.АРИУНЖАРГАЛ 178 км замыг туулж өөрийнхөө амжилтыг 12 км-ээр эвдэж, гуравдугаар байрт шалгарч хүрэл медаль хүртэн, Хэт холын марафон гүйлтийн “Спортын мастер”-ын болзол хангалаа. Түүний шавь П.ТӨГӨЛДӨР залуучуудын ангилалын 6 цагийн төрөлд 54 км гүйж мөнгөн медаль, шавь Э.МӨНХЧУЛУУН залуучуудын ангилалын 24 цагийн төрөлд 4-р байрт шалгарч дурсгалын медалиар шагнуулсан байна.
