2018 оны 08 дугаар сарын 12-ны өдрийн 06 цаг 40 минутанд аймгийн Нэгдсэн эмнэлэгт Дорноговь аймгийн Айраг сумын нутагт суудлын галт тэрэг замаас гарч осолдож олон хүн бэртэж гэмтсэн, Дорноговь аймгийн нэгдсэн эмнэлгийн эмч, ажилчид тусламж үзүүлж байгаа боловч нэмэлт хүч хэрэгтэй байна гэсэн дуудлага ирсэний дагуу аймгийн Эрүүл мэндийн газрын 3, Нэгдсэн эмнэлгийн 44, Шивээговь сумын эрүүл мэндийн төвийн 6, Баянтал сумын эрүүл мэндийн төвийн 4, Сүмбэр сумын Энхтусдэм өрхийн эрүүл мэндийн төвийн 10, төмөр замын их эмчийн салбарын 2 эмч, эмнэлгийн ажиллагсад, Дорноговь аймгийн нэгдсэн эмнэлгийн эмчилгээ эрхэлсэн орлогч даргаар ахлуулсан гэмтлийн 2 эмч, Дорноговь аймгийн төмөр замын эмнэлгийн 2, Айраг сумын төмөр зам, сумын эрүүл мэндийн төвийн 7, Олон овоо багийн -1 эмч эмнэлгийн ажилтнуудад дэмжлэг үзүүлэн, нийт 79 хүний бүрэлдэхүүнтэй баг эрүүл мэндийн үйлчилгээ үзүүлэн ажиллалаа.
Төмөр замын Чойр өртөөн дээр 3 галт тэрэгнээс 320 зорчигчид эрэмбэлэн ангилалт үзлэг хийж шаардлагатай 104 хүнийг нэгдсэн эмнэлэгт хүргэн зохих ёсны эмчилгээ оношлогоонд хамруулж, хүнд гэмтэлтэй 2 хүнийг газар дээр нь шуурхай арга хэмжээ авч анхан шатны эмнэлгийн тусламж үзүүлэн дараагийн шатны эмнэлэгт шилжүүлсэн байна. Жирэмсэн 3 эх байсан бие байдал хэвийн байсан.
Хүний нөөц, эм тарианы дутагдалгүй Эрүүл мэндийн яам, Гэмтэл согог судлалын үндэсний төв, Сэтгэцийн эмгэг судлалын үндэсний төв эмнэлгүүдээс зөвлөгөө зөвлөмжийг авч, Аймгийн Засаг даргын Тамгын газар, Онцгой байдлын газар, Цагдаагийн хэлтэс, Мэргэжилийн хяналтын газар, Төмөр замын Чойр зангилаа зэрэг байгуулагуудтай хамтран ажиллалаа.
2018 оны 08 дугаар сарын 16-ны өдөр Эрүүл мэндийн яамнаас байгалийн онц аюултай гамшигийн үед мэргэжилийн өндөр ур чадвар гарган ажилласан аймгийн Нэгдсэн эмнэлгийн эмчилгээ эрхэлсэн орлогч дарга Б.Цэцэгмаа, мэдээгүйжүүлэлтийн их эмч Ц.Янжмаа, мэдрэлийн их эмч С.Уранцэцэг, ЭХО, рентгений их эмч А.Оюунцэцэг, мэдээгүйжүүлэлтийн сувилагч М.Мариймаа, мэс заслын сувилагч Ч.Долгордулам нарыг Эрүүл мэндийн яамны хүндэт тэмдгээр, Эх барих эмэгтэйчүүдийн их эмч Ж.Болдбаатар, чих, хамар, хоолойн их эмч Г.Солонготуяа, хүүхдийн их эмч Б.Одцэцэг, сувилагч Г.Ганхуяг, үйлчлэгч Х.Баярсайхан нарыг Эрүүлийг хамгаалахын тэргүүний ажилтнаар, Хүлээн авах яаралтай түргэн тусламжийн их эмч Э.Оюун-Эрдэнэ, Энхтусдэм өрхийн эрүүл мэндийн их эмч Б.Цэцэгчимэг, сувилагч Долгорханд, сувилагч Байгальмаа, жолооч Ж.Эрдэнэтогтох нарыг Эрүүл мэндийн яамны жуух бичгээр тус тус шагнаж урамшууллаа.
Мэргэжлийн ур чадвар гарган, эмчийн тангаргаа нэр төртэйгөөр биелүүлэн хариуцлагатай ажилласан аймгийн Эрүүл мэндийн байгууллагын нийт эмч, ажилтан, албан хаагчид, шагнал авсан эмч, эмнэлгийн ажилчиддаа талархал илэрхийлж, цаашдын ажил үйлсэд нь өндөр амжилтыг орон нутгийн удирдлага, иргэдийн зүгээс хүсэн ерөөе.