Аймгийн баяр наадам ёслол төгөлдөр зохион байгуулагдлаа

Тулгар төрийн 2227, Их Монгол улсын 812, Ардын хувьсгалын 97 жилийн ой, Говьсүмбэр аймгийн баяр наадмыг 2018 оны 07 дугаар 07,08-ны өдрүүдэд ёслол төгөлдөр зохион байгуулагдлаа.

Аймгийн Засаг дарга Г.Батсуурь “Та бүхэндээ Тулгар төрийн 2227, Их Монгол улсын 812, Ардын хувьсгалын 97 жилийн ой, аймгийн баяр наадмын цогтой халуун мэндийг өөд өөд нь өргөн дэвшүүлье. Маргааш хүмүүн бүрт эрх чөлөөт аз жаргалант амьдралын амтыг мэдрүүлсэн, хийморь цогийг бадраасан, эв нэгдлийг бататгасан, төрт ёс, түүх соёлын уламжлалыг зузаатган баяжуулсан аймгийн баяр наадам эхэлнэ.  Бид Үндэсний их баяр наадмаараа өмнөх он жилүүдээс амжилтаа ахиулж, хийж бүтээснээ наадамчин олондоо тайлагнаж, цаашдын зорилго, зорилт, бодлого, төлөвлөлтөө тодорхойлон, улам ихийг хийхийн төлөө хамтын хүчээ нэгтгэдэг уламжлалтай билээ. Аймгийн маань хүн ам арван долоон мянга дөрвөн зууд хүрч 2.7 хувиар, мал сүрэг дөрвөн зуун гучин найман мянган толгойд хүрч өмнөх оноос 9.2 хувиар тус тус өслөө. Эрдэмт хүн ам, эрдэнэт мал сүрэг минь өсөхийн хэрээр эв эе батжин, их бүтээн байгуулалт өрнөж, шаштир түүх мөнхөрч, соёлын өв зузаарч, амжилт бүтээл ундарч, ажил үйлс оргилон байна.” хэмээн баярын хурлыг нээж үг хэллээ.

Мөн аймгийн Иргэдийн Төлөөлөгчдийн Хурлын дарга Г.Батзам аймгийн иргэд, зочид, төлөөлөгчдөд хандан баярын мэндчилгээ дэвшүүлээ.

Хоёр мянганы түүхийг бүтээж, төрт ёс, есөн зууны эзэнт гүрнийг төвшитгөсөн Эзэн Чингис хааныхаа алтан ургийн хаадын гал голомт, Тост Боржигины бор толгодынхоо дунд Тулгар төрийн 2227, Их Монгол улсын 812, Ардын хувьсгалын 97 жилийн ой, аймгийн баяр наадмаа ёслон тэмдэглэж, элгэн түмнээрээ цэнгэн наадлаа.

Цаг оройтсон ч эх дэлхий өнгө зүсээ засаж, Үндэсний их баяр наадмын өдрүүдээр зөөлөн хураа хайрлаж, санаа амгалан, сэтгэл өөдрөг баясан цэнгэж, тааламжтай баярлах завшаан тохиолоо.

Эрхэм хүндэт наадамчид маань Хүлэг морьдын төвөргөөнд сүлд хиймороо сэргээн баярлаж, хүчит бөхчүүдийн хийморь дор хараа мэлмийгээ баясгаж, хасаа, сурын оноонд сэтгэл баясан хурайлж, хамаг олон ардаа хүндэтгэн дэг журамтай, төвшин сайхан наадаацгаалаа.

Ардын хувьсгалын 97 жил, Говьсүмбэр аймгийн баяр наадамд аймгийн арслан А.Отгонбаатар, Ч.Булганхүү, Т.Занданбат, О.Баярхүү тэргүүтэй аймгийн арслан 44, аймгийн заан 11, аймгийн харцага 22, аймгийн начин 44, сумын заан 117, залуу бөх 22, нийт 19 аймгийн 256 бөх барилдлаа.

Наадамд Дорноговь аймгийн Айраг сумын харъяат аймгийн заан Мөнхжаргалын БЯМБАДОРЖ 8 даван түрүүлж “АЙМГИЙН АРСЛАН” цол хүртэж говь нутгийнхаа зон олноо баярлууллаа. Үзүүрт Ховд аймгийн Зэрэг сумын харъяат харъяат залуу бөх Жаргалсайханы ЖАВХЛАН шалгарч “АЙМГИЙН ЗААН” цол хүртсэн бол Говьсүмбэр аймгийн Сүмбэр сумын харъяат аймгийн арслан Энхтөрийн МӨНХБААТАР шалгарч чимэг нэмж, Төв аймгийн Жаргалант сумын харъяат аймгийн начин Батмөнхийн СОДХҮҮ “АЙМГИЙН ХАРЦАГА” цол хүртсэн байна.

Говьсүмбэр аймгийн Сүмбэр сумын харъяат, аймгийн арслан Төмөрбаатарын ПҮРЭВСҮРЭН шөвгөрч чимэг нэмсэн бол Говьсүмбэр аймгийн Сүмбэр сумын харъяат, сумын заан Баатархүүгийн БАЯСГАЛАНТӨР, Дундговь аймгийн Цагаандэлгэр сумын харъяат, сумын заан Очирбатын ЭРДЭНЭ-ОЧИР, Өвөрхангай аймгийн Зүүнбаян-Улаан сумын харъяат, сумын заан Мөнхбатын ХҮРЭЛБААТАР нар 5 давж шинээр “АЙМГИЙН НАЧИН” цолны болзол хангасан байна.

Наадмын бөхийн салбар комиссын даргаар Хууль, эрх зүйн хэлтсийн дарга Д.Магвансүрэн, Нарийн бичгийн даргаар Нийгмийн бодлогын хэлтсийн ахлах мэргэжилтэн Г.Анхбаатар, гишүүнээр Хөдөлмөр, халамжийн үйлчилгээний газрын дэд дарга Т.Баясгалан, Төрийн банкны захирал Б.Наранбаатар, Төмөр замын 3-р ангийн дарга Б.Ариунболд нар ажиллаа.

Бөхийн тайлбарлагчаар соёлын гавъяат зүтгэлтэн, улсын ахлах тайлбарлагч Ц.Батнасан, улсын дэд тайлбарлагч н.Ууганбаяр, цолчин засуулаар улсын засуул н.Цэрэндаваа, аймгийн ахлах засуул О.Алтанхүү, Д.Мөнхзул, Г.Цэрэнбаяр, н.Лхагвасүрэн, н.Эрдэнэ-Очир, н.Алдраа, н.Алдар-Од, хөлийн цэцээр А.Золбаяр, Т.Баясгалан, Ш.Наранбаяр, гарын даагаар Д.Магвансүрэн, эмчээр Ш.Амартүвшин, хишиг түгээгчээр н.Норовренчин, давааны байг тараагчаар Д.Чинзориг нар ажиллаа.

ТАВЫН ДАВАА

1. А.а А.Отгонбаатар /Булган/ – с.з О.Эрдэнэ-Очир /Дундговь/
2. А.а Ч.Булганхүү /Сүхбаатар/ – с.з Б.Баясгалантөр /Говьсүмбэр/
3. А.а Т.Пүрэвсүрэн /Говьсүмбэр/ – а.з Д.Ганцоож /Говь-Алтай/
4. А.а Э.Мөнхбаатар /Говьсүмбэр/ – а.х Б.Энхсайхан /Говь-Алтай/
5. А.з М.Батцэнгэл /Баянхонгор/ – с.з Ж.Жавхлан /Ховд/
6. А.з М.Бямбадорж /Дорноговь/ – с.з н.Анхбаяр
7. А.х Д.Пүрэвдорж /Булган/ – с.з М.Хүрэлбаатар /Өвөрхангай/
8. А.х Л.Төртогтох – а.н Б.Содхүү /Төв/

ЗУРГААГЫН ДАВАА

1. А.а Т.Пүрэвсүрэн – а.н Б.Содхүү
2. А.а Э.Мөнхбаатар – с.з Б.Баясгалантөр
3. А.з М.Бямбадорж – с.з О.Эрдэнэ-Очир
4. С.з М.Хүрэлбаатар – с.з Ж.Жавхлан

ДОЛООГИЙН ДАВАА

1. А.а Э.Мөнхбаатар – с.з Ж.Жавхлан
2. А.з М.Бямбадорж – а.н Б.Содхүү

НАЙМЫН ДАВАА

1. А.з М.Бямбадорж – с.з Ж.Жавхлан

/түрүүлсэн/            /үзүүрлэсэн/

Хурдан морьдын айргийн таван морьд

Азарганы уралдаан

Их насны морьдын уралдаан

Соёолон насны морьдын уралдаан

Хязаалан насны морьдын уралдаан

Шүдлэн насны морьдын уралдаан

Дааганы уралдаан

Баян ходоод

Эрлийз дунд насын морьдын уралдаан

Эрлийз даага насын морьдын уралдаан

Аймгийн баяр наадмын “Шагайн харваа”-ны тэмцээний “Ахмадын бууны” цуваа харваа.

Аймгийн баяр наадмын “Шагайн харваа”-ны тэмцээний “Хүн нэг бүрийн цуваа харваа.

Аймгийн баяр наадмын “Шагайн харваа”-ны тэмцээний “Баг”-ийн тэмжээн.

Аймгийн баяр наадмын Сурын харваа