Хүүхэд амьдралынхаа туршид тулгарч болох асуудлуудыг мэддэг бас түүнээс гарах арга зам, ур чадваруудыг эзэмшсэнээрээ ирээдүйд болох үйл явцад бэлтгэлтэй байж эрүүл, эерэг ухаанаар шийдэх чадвартай болдог.
“АМЬДРАЛД БЭЛТГЭГДЭХ-ОРОЛЦООД ХӨГЖЬЕ” клубын хүүхдүүдийн санаачилгаар “Хүүхдийн эрхэд суурилсан-Хүүхдэд ээлтэй орон нутгийн засаглал” хэлэлцүүлгийг зохион байгууллаа.
Хэлэлцүүлэгт Аймгийн Засаг даргын Тамгын газар, Сүмбэр сумын Засаг даргын Тамгын газар, Нийгмийн бодлогын хэлтэс, холбогдох агентлагийн удирдлагууд, Сүмбэр сумын 1,2,5 дугаар сургууль, Уул уурхайн жишиг сургууль Политехник коллежийн нийт 20 удирдах албан тушаалтан оролцож, хүүхэд, өсвөр үеийнхний өмнө тулгамдаж буй асуудлыг шийдвэрлэх зорилгоор орон нутгийн зүгээс авч хэрэгжүүлж байгаа арга хэмжээ, үр дүн, цаашид шийдвэрлэх асуудлын талаар “Оролцоод хөгжье” клубийн сурагчдад танилцууллаа.
Тус хэлэлцүүлгийн үеээр хүүхэд багачуудын төлөөлөгчдөөс хүүхэд бол зөвхөн үйлчилгээ хүртэгч гэж харахаас илүүтэй тэд бол бидэнтэй хамтран ажиллах гол түнш бөгөөд өөрчлөлт хийж чадах бүрэн бололцоотой эрч хүч, хөдөлгөгч хүч гэж хүлээн зөвшөөрөн хамтран ажиллаж байгаа орон нутгийн удирдлагууддаа талархал илэрхийлсэн байна.