Монгол улсад орчин цагийн Зэвсэгт хүчин үүсч хөгжсөний 97 жилийн ой, Монгол цэргийн өдөр, Монгол хүн сансарт ниссэний 37 жилийн ойг тохиолдуулан Говьсүмбэр аймаг дахь Үндэсний аюулгүй байдлыг хангах тусгайлсан чиг үүрэг бүхий байгууллагуудын дунд Онцгой байдлын газраас Үндэсний аюулгүй байдлыг хангах тусгайлсан чиг үүрэг бүхий байгууллагуудын үйл ажиллагааг сурталчилах, алба хаагч нарын албаны бэлтгэл, ур чадвар, бие бялдарын болон сэтгэл зүйн тэсвэр хатуужлыг дээшлүүлэх, албан хаагчдын хамтач нөхөрсөг байдлыг бэхжүүлэх зорилгоор “Марш-тактик-2018” цэрэг спортын цогцолбор тэмцээнийг 2018 оны 03 дугаар сарын 15-ны өдөр зохион байгууллаа.
Тэмцээнд Онцгой байдлын газар, Цагдаагийн хэлтэс, ШШГ 425 дугаар нээлттэй хорих анги, УБТЗ-ын Цэрэгжүүлсэн хамгаалалтай ангийн 6 баг оролцлоо.
Аймгийн Засаг дарга, Батлан хамгаалах газрын дарга Г.Батсуурь тэмцээнийг нээж үг хэлж спортын алдар гавъяа байгуулсан албан хаагчдыг шагналаа.
Тэмцээнд гарааны өмнөх ажиллагаа хувцасны үзлэг, жагсаалын жигдрэлт, 24 кг туухайг өргөх, 10 км-ийн марш үйлдэж саадын зурвас туулах, гранат шидэлт, луужин ашиглан байрлал тогтоох, тасгийн дарга нар ПМ гар буугаар буудлага үйлдэх, үйл олноор хөнөөх зэвсгээс эсэргүүцэн хамгаалах багтай машин түрэх даалгаваруудыг гүйцэтгэлээ.
Тэмцээний 1 дүгээр байрт 00:56:50 хугацаагаар Онцгой байдлын газрын 1 дүгээр тасаг, 2 дугаар байранд 01:05:28 хугацаагаар Цагдаагийн хэлтсийн 1 дүгээр тасаг, 3 дугаар байрт 01:10:54 хугацаагаар Онцгой байдлын газрын 2 дугаар тасаг тус тус шалгарлаа.