Аймгийн Засаг даргын өрөөнд 2018 оны 03 дугаар сарын 14-ний өдөр 09.30 цагт аймгийн Онцгой комисс хуралдав.
Хуралд Аймгийн Засаг дарга, Мэргэжлийн хяналтын газрын дарга, Онцгой байдлын газрын дарга, Хүнс хөдөө аж ахуйн газрын дарга, Цагдаагийн хэлтсийн дарга, Байгаль орчин, аялал жуулчиллын газрын дарга, Тагнуулын тасгийн дарга, Сүмбэр, Баянтал сумдын Засаг дарга нар оролцож, Сүмбэр сумын 4 дүгээр багийн нутагт гарсан мал, амьтны гоц халдварт шүлхий өвчиний хорио цээрийн дэглэм, малын сэг зэмийг устгах ариутгал халдваргүйтгэл хийх талаар хэлэлцэв. Хуралдаанаар хорио цээрийн дэглэмийг бууруулж, нэг сарын хугацаатай хязгаарлалтын дэглэмд шилжүүлэх шийдвэрийг гаргалаа. Мөн ариутгалын бодисоор сумдыг хангах асуудлыг шийдвэрлэж, хугацаанд нь малын сэг зэмийг устган, ариутгал, халдваргүйтгэлийн ажлыг чанартай зохион байгуулахыг сумдын Засаг дарга нарт үүрэг болголоо.