Монгол Улсын Ерөнхий сайдын ивээл дор залуу үеийнхэнд эх оронч сэтгэлгээг төлөвшүүлэх төр улсаа эрхэмлэн дээдлэх, эх орон ард түмнийхээ өмнө хүлээх иргэний эрх хариуцлагаа ухамсарлах чин шудрагаар амьдрах, түүх соёлоороо бахархах үзлийг төлөвшүүлэх зорилготойгоор 15 дахь жилдээ зохион байгуулагдаж байгаа “Иргэний андгай өргөх ёслол”-ын ажиллагаа дуу бүжгийн “Боржигин” чуулгад боллоо. Тус үйл ажиллагаанд аймгийн Засаг даргын Тамгын газрын дарга Д.Содном, аймгийн Засаг даргын Тамгын газрын Нийгмийн бодлогийн хэлтсийн дарга С.Уранцэцэг, Гэр бүл, хүүхэд, залуучуудын хөгжлийн газрын дарга Ц.Оюунбилэг, Улсын бүртгэлийн хэлтсийн Иргэний бүртгэлийн тасгийн дарга Б.Удвалцэцэг болон Ерөнхий боловсролын хоёр, тавдугаар сургуулийн захирал нар 16 насанд хүрч иргэний андгай өргөсөн залуусын төлөөлөлд Иргэний үнэмлэх, батламжийг гардуулан өглөө. Мөн урилгаар лектор, сэтгэл зүйч, доктор Г.Наранбаатар хүүхэд залуучуудад хандаж “Хувь хүний төлөвшил” сэдвээр сонирхолтой лекц тавьлаа.
Энэ жил манай аймгийн хэмжээнд 194 хүүхэд 16 нас хүрч иргэний үнэмлэхээ гардан авч байгаа юм.
