Тулгар төрийн 2226, Их Монгол улсын 811, Ардын хувьсгалын 96 жилийн ой, Говьсүмбэр аймгийн баяр наадмын шагайн харвааны тэмцээн амжилттай явагдлаа. Тэмцээнд гурван аймгийн 6 сумын 9 багийн 85 харваач оролцож, оноо мэргээ сорин өрсөлдсөн байна. Тэмцээний дүн гарахад: Нэг хүн бүрийн цуваа харваанд Тэргүүн байрыг И.Түнжинбаатар, дэд байранд Ж.Түвшинзаяа, гутгаар байранд М.Амарбаясгалан орсон бол ахмадын бууны цуваа харваанд Тэргүүн байрыг Б.Буянжаргал, дэд байрыг Ж.Равжаа, гутгаар байрыг н.Даваасүрэн тус тус эзлэсэн байна.
Багийн тэмцээнд тэргүүн байрыг Н.Идэржавхлан ахлагчтай “Чойр зангилаа” баг шалгарсан бол дэд байрыг Д.Мөнхбат ахлагчтай “Буяны гэгээ” баг, гутгаар байрыг Ж.Түвшинзаяа ахлагчтай “Говьсүмбэр” багууд эзэлжээ. Нийт харваачиддаа “Оноо мэргэн, хараа хурц, уухай цээл” байхын ерөөлийг дэвшүүлье.