Монгол улсын Засгийн газрын 2017 оны “Дүрэм батлах тухай” 68 дугаар тогтоолын дагуу “Барилгын тухай” хуулийн 32.1.5-д зааснаас бусад барилга байгууламжийн барилгын ажлын зөвшөөрлийг Засаг дарга олгохоор шийдвэрлэгдсэн.
Барилгын ажлын зөвшөөрөл авах дараах баримт бичгийг бүрдүүлнэ. Үүнд:
- Барилга байгууламжийн байршил, загвар зураг, техникийн нөхцөлийг баталгаажуулсан шийдвэр
- Барилга байгууламжийн магадлал хийгдсэн иж бүрэн зураг төсөл, магадлалын дүгнэлт
- Зураг төсөл зохиогч хуулийн этгээдийн танилцуулга, улсын бүртгэлийн болон тусгай зөвшөөрлийн гэрчилгээний хуулбар
- Байгаль орчны хууль тогтоомжийн дагуу байгаль орчны нөлөөллийн үнэлгээ хийлгэх шаардлагатай барилга байгууламжийн үнэлгээний тайлан
- Гэнэтийн ослын болон хариуцлагын даатгалд даатгуулсан бол гэрчилгээг хавсаргах.
Зөвшөөрлийг ажлын 10 хоногт багтаан шийдвэрлэнэ.