Монголын хөлбөмбөгийн холбооноос зохион байгуулж буй футзалны талын бүсийн аварга шалгаруулах тэмцээний нээлт боллоо. Тэмцээний нээлтийн ажиллагаанд аймгийн Засаг даргын орлогч Ш.Билэггүмбэрэл, Нийгмийн бодлогын хэлтсийн дарга С.Уранцэцэг, Биеийн тамир, спортын газрын дарга, МУГДасгалжуулагч Л.Цэдэнсодном, Боловсрол, соёл урлагийн газрын даргын үүргийг түр орлон гүйцэтгэгч Э.Мөнхзул, аймгийн Хөлбөмбөгийн холбооны тэргүүн Ч.Батжаргал, Монголын хөлбөмбөгийн холбооны техникийн хэлтсийн мэргэжилтэн О.Аззаяа нарын зочид оролцлоо.
Тэмцээнд Говьсүмбэр Дорноговь, Дорнод, Сүхбаатар, Хэнтий аймгуудын 8 баг U15, U17 насны ангилалд аваргуудаа тодруулахаар өрсөлдөж байна. Тэмцээн 06-ны өдөр өндөрлөх бөгөөд тэмцээнийг Монголын хөлбөмбөгийн холбооны шүүгчид шүүн явуулж байна.