Монгол Улсын шинэ, ардчилсан Үндсэн хууль батлагдсаны 25 жилийн ой 2017 оны нэгдүгээр сарын 13-нд тохионо. Тус ойг тохиолдуулан Монгол Улсын Их Хурлын дарга М.Энхболд захирамж гарган ойг тэмдэглэх комиссыг томилон улс орон даяар олон арга хэмжээ зохион байгуулж байгаа бол аймгийн хэмжээнд аймгийн Иргэдийн Төлөөлөгчдийн хурлаас төлөвлөгөө гарган олон ажлуудыг зохион байгуулж байна. Төлөвлөгөөний дагуу аймгийн музейгээс аймгаасаа Үндсэн хуулийн батлагдахад оролцож байсан аймгийн Эрүүл мэндийн газрын анхны дарга Ш.Насанбуян, аймгийн анхны Засаг дарга Н.Насаночир нар болон аймгийн үе үеийн аймгаас төлөөлөн сонгогдсон УИХ-ын гишүүд, Иргэдийн Төлөөлөгчдийн Хурлын дарга, Засаг дарга нар, улсын сайн малчид зэрэг хүмүүсийн холбогдох материалууд, үндсэн хуулийн түүхэн үечлэлтэй холбоотой материалуудаар үзэсгэлэн гаргасан байна.
Мөн үзэсгэлэнгийн нээлтийн үеэр музейгээс Үндсэн хууль теле хичээлийг үзүүлж, Хууль эрх зүйн хэлтсээс АХА тэмцээнийг зохион байгуулан 20 гаруй хүн оролцон чөлөөт сэтгүүлч, 2016 оны онцлох хүн Т.Болдбаатар тэргүүллээ.
