Аймгийн ИТХ-ын Тэргүүлэгчдийн хурлын 2017 оны 24 дүгээр тогтоолоор Түвдэнгийн Ваанчигийг хөдөө аж ахуйн салбарт болон Сүмбэр үүлдрийн хонийг бий болгох, үүлдэрлэг байдлыг сайжруулахад оруулсан хувь нэмрийг нь өндөрөөр үнэлж Монгол Улсын “Гавьяат мал зүйч” цолоор шагнуулахаар Монгол Улсын Ерөнхийлөгчид уламжилсан.
Тэрээр Тулгар төр үүссэний 2228 жил, Их Монгол улсын 813 жил, Үндэсний эрх чөлөө, тусгаар тогтнолоо сэргээн мандуулсны 108 жил, Ардын хувьсгалын 98 жилийн ой, үндэсний их баярыг тохиолдуулан Монгол улсын Ерөнхийлөгчийн 2019 оны 07 дугаар сарын 08-ны өдрийн 131 дүгээр Зарлигаар Монгол Улсын “Гавьяат мал зүйч”-цолоор шагнагдаж, аймгийн удирдлагууд хүндэтгэл үзүүлж, баяр хүргэлээ.